हिशोब काय ठेवणार? २०२३

हिशोब काय ठेवणार? २०२३

काळाच्या अनावर
वाहत्या ओघात
आपल्या आयुष्यातल्या काही वर्षांचा
हिशोब काय ठेवणार?

आयुष्याने जर इतकं
अमर्याद दिलं आहे
तर मग जे मिळालं नाही
त्याचा हिशोब काय ठेवणार?

सुहृदांनी दिला आहे
इतका स्नेह, इतकं प्रेम
तर शत्रूंच्या शत्रूत्वाचा
काय हिशोब ठेवणार?

लख्खं उजेडाचे
इतके दिवस आहेत इथे
तर रात्रींच्या अंधाराचे
काय हिशोब ठेवणार?

आनंदाचे दोन क्षण
पुरेसे आहेत उमलण्याला
तर मग मनातल्या खिन्नतेचा
काय हिशोब ठेवणार?

मधूर आठवणींच्या खुणा
इतक्या आहेत आयुष्यात
की थोड्याशा दुःखद गोष्टींचा
काय हिशोब ठेवणार?

इतकी फुले मिळाली आहेत
काही जिवलगांकडून
काटे किती बोचले
याचा काय हिशोब ठेवणार?

चंद्राचे चांदणे इतके
हृदयंगम आहे की
त्यावर कलंक केवढा
याचा काय हिशोब ठेवणार?

केवळ आठवणीनीच
अंतःकरण पुलकित होत असेल
तर मग भेटलो न भेटलो
याचा हिशोब काय ठेवणार?

काही ना काही नक्कीच
खूप छान आहे प्रत्येकात
मग जरासे काही चुकले असेल तर
त्याचा काय हिशोब ठेवणार?
प्रत्येक नवीन वर्तमान क्षणाचा आनंद घ्यायचा असेल तर
वाईट क्षणाचा हिशोब कसा ठेवणार….

नुतन वर्ष आपणास सुखसमृद्धी व भरभराटीचे जावो हिच सदिच्छा

२०२४..
विकास पाटील