लक्ष्मीपूजनच्या दिवशी अजंदे गावातील कष्टकरी महिलांची दिवाळी गोड
लक्ष्मीपूजनच्या दिवशी अजंदे गावातील कष्टकरी महिलांची दिवाळी गोड
धुळे, 1 नोव्हेंबर 2024- तालुक्यातील अजंदे खुर्द गावात विरांगना झलकारी बाई कोळी स्री शक्ती सामाजिक संस्थेच्या वतीने दरवर्षीप्रमाणे यावर्षीही दिवाळी निमित्ताने एक विशेष प्रबोधनात्मक कार्यक्रम आयोजित करण्यात आला. या कार्यक्रमाच्या माध्यमातून दारूबंदी आणि व्यसनमुक्त समाजाविषयी जागृती निर्माण करण्याचा प्रयत्न करण्यात आला.
दारूबंदी जनजागृती आणि व्यसनमुक्त समाजासाठी प्रबोधन
धुळे येथील दारूबंदी महिला युवा मोर्चाच्या गितांजली ताई कोळी यांनी यावेळी उपस्थित कष्टकरी बंधू-भगिनींना मार्गदर्शन केले. समाजातील व्यसनाधीनता कमी करण्यासाठी आवश्यक उपाययोजना, दारूचे दुष्परिणाम, आणि त्याचे कुटुंबावर होणारे परिणाम याबद्दल त्यांनी प्रभावी भाषण दिले. या मार्गदर्शनातून एक व्यसनमुक्त समाज घडवण्याचा संकल्प उपस्थितांनी केला.
दानशूर दात्यांकडून कष्टकरी महिलांना दिवाळीचे किराणा वाटप
कार्यक्रमात कष्टकरी महिलांच्या दिवाळीला आनंददायी बनवण्यासाठी त्यांना दिवाळीचे किराणा साहित्य देण्यात आले. धुळे येथील दानशूर दाते डॉ. सौ. आराधना राहुल भामरे, सौ. लिना अनिल मुणोत, डॉ. जितेंद्र दादा देसले, इंजि. श्री. प्रशांत पवार तसेच संस्थेच्या सदस्य मा. जिजाबाई कोळी यांच्या सहकार्याने हे वितरण करण्यात आले. या उपक्रमामुळे कष्टकरी महिलांची दिवाळी अधिक गोड झाली, असे आयोजकांनी सांगितले.
समारोप
विरांगना झलकारी बाई कोळी स्री शक्ती सामाजिक संस्थेच्या या उपक्रमाने अजंदे खुर्द गावातील महिलांना दिवाळीचा आनंद मिळवून दिला आणि समाजात व्यसनमुक्त जीवनाची जागृती निर्माण केली.
